Një punonjës shqiptar ka ndërruar jetë tragjikisht këtë të enjte në Mykonos. Raportohet se 49-vjeçari ka rënë nga lartësia teksa punonte. Trupi i pajetë është gjetur nga djali i të ndjerit, i cili punonte me të. Mësohet se ai ka ndërruar jetë menjëherë pas rënies nga lartësia, duke mos iu mbijetuar plagëve të marra.
Mediat helenase shkruajnë se prej 2 vitesh, 49-vjeçari shqiptar ishte zhvendosur në ishullin grek së bashku me familjen e tij. Ai ishte emigrant i paligjshëm në Greqi dhe në momentin e ngjarjes po kryente punime ndërtimore në një ndërtesë në Mykonos.