Pavarësisht sulmeve kibernetike Shqipëria arriti të rikthente në normalitet shërbimet online. Ministrja e shtetit për standardet dhe shërbimet, Milva Ekonomi theksoi se lufta kibernetike aktualisht është e ashpër dhe për këtë janë rritur investimet si në infrastrukturë edhe në aftësi njerëzore.Që prej vitit të kaluar në vend ofrohen 1227 shërbime online.
Shqipëria renditet e para midis vendeve të rajonit për ofrimin e shërbimeve online. Ministrja e shtetit për standardet dhe shërbimet, Milva Ekonomi theksoi se lufta kibernetike është bërë e ashpër por vendi ynë reagoi në kohë duke rikthyer në funksion e-shërbimet. Për të parandaluar sulme në të ardhmen ministrja Ekonomi tha se investimet do të jenë më të mëdha gjatë këtij viti
Sipas Ekonomit , 95 % e shërbimeve për të cilat kanë nevojë qytetarët ofrohen online duke ulur radhët dhe procedurat burokratike
Ministrja e Shtetit për Standardet dhe Shërbimet, Milva Ekonomi dhe ministrja e Shtetit për Mbrojtjen e Sipërmarrjes Edona Bilali prezantuan bilancin vjetor për vitin e kaluar si dhe objektivat për vitin 2023.
