Një grua amerikane u trondit plotësisht nga një blerje në një nga dyqanet gjithnjë e më të njohura “second hand”.
Blerja e një xhakete të kuqe shumë të zakonshme i solli kësaj gruaje një mesazh shumë rrëqethës.
Ajo hasi në një shënim nga poseduesja e mëparshme që kërkonte të varrosej me këtë veshje. Postimi ka nisur menjëherë të qarkullojë në rrjetet sociale.
“Më varrosni në këtë xhaketë sportive të kuqe”, lexonte një copë letër e futur në xhepin e xhaketës.
Duket se pronares së mëparshme nuk iu plotësua dëshira, pasi veshja ishte në raftet e dyqanit.
“Kjo më trishtoi shumë. Një dëshirë modeste e saj nuk iu plotësua”, ishte një nga komentet në rrjetet sociale.
“Kini kujdes: pronarja e ndjerë mund t’ju ndjekë për shkak të xhaketës së saj”, ishte një koment tjetër me humor. /tesheshi.com/
