Zëdhënësi i presidentit, Tedi Blushi reagon pas publikimit të një lajmi në portale pranë qeverisë, sipas të cilave, shoqëruesit e kreut të shtetit kanë kërcënuar banorët ditën e sotme.
Përmes një reagimi në rrjetet sociale, Blushi shkruan ndër të tjera se, çdo shqetësim i drejtë i tyre është dëgjuar dhe mbajtur shënim nga ekipi i Presidentit.
Ai i quan këto publikime, dizinformacione dhe gazetari të mjerë,
“Keqardhje për dizinformacionet dhe gazetarinë e mjerrë të portalit të M.B-së. Asnjë shoqërues i Presidentit nuk ka kërcënuar sot asnjë banor.
Çdo shqetësim i drejtë i tyre është dëgjuar dhe mbajtur shënim nga ekipi i Presidentit.
Ankesa e banorit në Shkafane për sjelljen arrogante të Kryeplakut të fshatit i është raportuar autoriteteve përkatëse për verifikim dhe marrje masash.
TURP, TURP, TURP për këtë gazetari të mjerrë!”, shkruan Blushi në reagimin e tij.
