Gjykata e Lartë e Brazilit ka vendosur që ish-presidenti Bolsonaro duhet te hetohet, nëse ka lidhje me trazirat e së dielës në kryeqytet.
Ky vendim vjen disa ditë pasi ish-presidenti publikoi një video, në cilën vihej në dyshim legjitimiteti i zgjedhjeve presidenciale, që u zhvilluan në muajin tetor.
Prokurorët thanë se Bolsonaro mund të ketë nxitur mbështetësit e tij me pretendime të tilla dhe prandaj i kërkuan Gjykatës së Lartë që ta përfshijnë edhe ish-presidentin në hetim.
Në videon e publikuar nga Bolsonaro pretendohej se presidenti në detyrë nuk u votua, por u zgjodh nga Gjykata e Lartë dhe autoriteti zgjedhor i Brazilit.
Sipas shumë analistëve në Brazil, Bolsonaro ka nxitur turmën e ekstremit të djathtë që të sulmoje Parlamentin, Gjykatën e Lartë dhe zyrat presidenciale. Ish-udhëheqësi i Brazilit mund të përballet me pasoja penale, nëse rezulton fajtor për nxitjen e trazirave kundër rendit kushtetues.
Brazili u përfshi nga kaosi, pasi mbështetësit e ish-presidentit nuk pranuan ndërrimin e pushtetit.
Rreth 3 mijë protestues sulmuan 3 institucionet kryesore Kongresin, selinë e qeverisë dhe Gjykatën e Lartë. Rreth 15 000 protestues u arrestuan në këtë tubim.