Nga pasditja e kësaj të marte, 1 litër naftë do të kushtojë 3 lekë më lirë.
Në mbledhjen e tij të fundit, Bordi i Transparencës vendosi që të ulë çmimin e naftës, duke e çuar në 199 lekë/litër nga 202 lekë që ishte.
Çmimi i benzinës nga ana tjetër ka rënë me 1 lekë dhe 1 litër do të shitet për 177 lekë.
Sa i takon gazit, çmimi i tij nuk ndryshon dhe do të vazhdojë të blihet për 71 lekë/litër.
Ulja e çmimit të naftës dhe benzinës, sipas bordit të transparencës, vjen si pasojë e ndryshimeve të ditëve të fundit në bursën platss të mesdheut.
