Përfaqësuesi i Lartë i BE-së për Politikë të Jashtme dhe Siguri, Josep Borrell, deklaroi se Kosova duhet të përmbushë obligimet e saj dhe të zbatojë pa vonesë Marrëveshjen e Brukselit të vitit 2013, e cila ra dakord për themelimin e Asociacionit/Bashkësisë së Komunave me shumicë serbe.
Borrell ka rikujtuar se Kuvendi i Kosovës ka ratifikuar Marrëveshjen e Brukselit të rënë dakord nga Kosova dhe Serbia.
“Të dyja palët duhet të përmbushin të gjitha detyrimet e tyre ligjore ndërkombëtare dhe të zbatojnë marrëveshjet në pritje. Ata gjithashtu duhet të bëjnë përpjekje të mëtejshme të rëndësishme për të arritur një marrëveshje gjithëpërfshirëse ligjërisht të detyrueshme për normalizimin e marrëdhënieve, e cila është kyçe për rrugën e tyre evropiane”, tha Borrel në një përgjigje me shkrim në pyetjen se çfarë do të bënte në lidhje me refuzimin për të zbatuar Marrëveshja e Brukselit, e cila u ngrit nga një eurodeputet i krahut të djathtë nga grupi “Identiteti dhe Demokracia”, Dominique Bilde.
Frika nga “boshnjakizimi i Kosovës”
Kosova refuzon të formojë Unionin e Komunave me shumicë serbe, dhe t’i japë atij kompetenca kushtetuese, nga frika e “boshnjakizimit të Kosovës”, një term që aludon në entitetin Republika Srpska brenda Bosnje që shpesh bllokon funksionimin e organeve shtetërore.
“Bashkësia e komunave me shumicë serbe, pikërisht kështu është krijuar Republika Srpska”, tha kryeministri i Kosovës, Albin Kurti. Dhe ky është qëndrimi politik. Ndërsa ka një qëndrim kushtetues, pasi Asosacioni është rrëzuar nga Gjykata Kushtetuese e Kosovës.
