Bashkia e Tiranës ka nisur investimet për përmirësimin e furnizimit me ujë të pijshëm në kryeqytet.
Pas 30 vitesh, Bashkia e Tiranës ka nisur një investim në Bovillë që synon dyfishimin e kapaciteteve të impiantit.
Veliaj ka postuar disa foto në tëitter nga puna e nisur për rritjen e kapaciteteve të Bovillës.
Objektivi i Bashkisë së Tiranës sic shkruan vetë kryebashkuaku është garantimi 24 orë në ditë me ujë të pijshëm i qytetarëve.
“Ky nuk është një instalacion arti. Me hapjen e motit, hapet sërish fronti i punës për dyfishimin e impiantit të ujit në Bovillë pas 30 vitesh nga investimi i parë kur Tirana kishte vetëm 250 mijë banorë! Kemi dyfishuar ujin në Tiranë këto 4 vjet, e çojmë në 24 orë/ditë me këtë investim”, shkruan Veliaj.
Bashkia e Tiranës ka nisur gjithashtu edhe disa investime në këto katër vite dhe për përmirësimin e rrjetit të shpërndarjes në disa zona të kryeqytetit ku problematikat kanë qënë të mëdha.
