Policia ka prangosur 30-vjeçaren, Eglantia Isufin, e cila braktisi foshnjen e porsalindur, në një bodrum. Ajo akuzohet për veprën penale “Braktisja e fëmijëve të mitur”.
Në bazë të parashikimeve në Kodin Penal, rezulton se një vepër e tillë penale mund të dënohet deri në 10 vite burg.
“Braktisja e fëmijës nën moshën 16 vjeç nga prindi ose personi që është i detyruar të kujdeset për të, dënohet me gjobë ose me burgim gjer në tre vjet.
Kur nga vepra është shkaktuar dëmtimi i rëndë i shëndetit ose vdekja e fëmijës, dënohet me burgim nga tre gjer në dhjetë vjet”, parashikon ligji.
Foshnja nuk mundi të mbijetonte edhe pse mori ndihmën e bluzave të bardha.
