Ndërkohë që qeveria po përpiqet ta mbulojë dështimin e saj me ndryshimin e filozofisë të zgjerimit në Paris, ndërkohë që propagandistët e rilindjes janë sulur si Don Kishoti kundër mullinjve të erës, ndaj presidentit Makron, madje duke i përmendur edhe moshën e bashkëshortes, e vërteta e qëndrimit të tij është pak më ndryshe.
Presidenti Francez nuk e ka zhytur Edi Ramën, ai thjeshtë e ka shpëtuar atë nga turpërimi duke mos lejuar një ndarje të Maqedonisë nga Shqipëria. Sipas Euronevs që ka informata të dorës së parë nga bisedimet e zhvilluara brenda sallës së 28-shes:
“Presidenti francez Emmanuel Macron argumentoi që nisja e bisedimeve të anëtarësimit vetëm me një vend do të ishte një gabim i tmerrshëm për Ballkanin”, shkruan Euronews i cili më pas sqaron:
“Dje dëgjova disa fjalë se ne pothuajse arritëm uninamitet për hapjen e bisedimeve me Shqipërinë dhe Maqedoninë e Veriut.
Kjo nuk është e vërtetë. Padyshim, aty kishte një shumicë që Maqedonisë së Veriut ti hapen negociatat, por shumica e shteteve ishin kundër Shqipërisë”, mësohet të ketë thënë ai.
