Presidenti Ilir Meta përshëndeti vendimin e kryeministrit britanik Boris Johnson, i cili pak ditë më parë caktoi të dërguarin e posaçëm të Londrës për Ballkanin Perëndimor Sir Stuart Peach, ish-kryetar i komisionit ushtarak të NATO-s dhe ish-shef i shtabit të ushtrisë britanike.
Meta thotë se forcimi i paqes dhe stabilitetit mbetet kyç për forcimin e perspektivës evropiane.
“Përshëndes emërimin e të Dërguarit Special të Qeverisë Britanike për Ballkanin Perëndimor, Sir Stuart Peach. Mbretëria e Bashkuar ka dëshmuar të jetë një partner i qëndrueshëm, i besueshëm dhe shumë i rëndësishëm për promovimin e lirisë dhe demokracisë në rajonin tonë. Forcimi i paqes dhe stabilitetit mbetet kyç për forcimin e perspektivës evropiane” shkruan Meta.
