📍 Bruksel, Belgjikë – Në Konferencën e Rrjetit Adriatiko-Jonian të Universiteteve, Rajoneve, Dhomave të Tregtisë dhe Qyteteve (AI-NURECC), një iniciativë e financuar nga BE, që përfshin aktorët kryesorë të Rajoneve të Adriatikut dhe Jonit.
🤝 Kënaqësi të takoja dhe të ndaja njê bisedë të frytshme me Sekretarin e Përgjithshëm të Eurorajonit Adriatiko-Jonian, Z.Francesco Cocco dhe Znj.Eleni Marianou, Sekretaren e Përgjithshme të Konferencës së Rajoneve Periferike dhe Detare (CPMR).
💬 Vullneti për bashkërendim mes vendeve të këtij rajoni me potencial të jashtëzakonshëm, ka si qëllim madhor kthimin e kësaj zone në një hapësirë që siguron mirëqenie për gjeneratat e nesërme të BE-së.
🇪🇺 Partnerët në rajonin e Adriatikut dhe Jonit kanë bashkuar përpjekjet për të mbështetur zbatimin e Strategjisë së BE-së për këtë rajon duke siguruar mbulim të thellë dhe të gjerë territorial me fokus në #Turizmin e qëndrueshëm, #Industrinë, #Ekonominë dhe #Rininë.
Strategjia e BE-së për Rajonin Adriatiko-Jonian duhet të jetë mekanizëm i fortë që siguron se aktorët e përfshirë, shoqëria civile dhe organizatat rinore, bashkëpunojnë për prosperitetin ekonomik dhe social.
