Skip to content

Bruksel, ministrat e Mbrojtjes së Turqisë, Britanisë dhe Ukrainës diskutojnë për çështjet aktuale

Ndajeni këtë artikull me të tjerë duke klikuar ikonat më poshtë

Ministrat e Mbrojtjes së Turqisë, Britanisë së Madhe dhe Ukrainës u mblodhën në një takim trepalësh dhe diskutuan për çështjet aktuale.

Ministri turk i Mbrojtjes, Hulusi Akar vazhdon takimet e tij në Bruksel ku ndodhet në kuadër të takimit të ministrave të Mbrojtjes së NATO-s.

Pas takimeve dypalëshe, ministri Akar u takua në një takim trepalësh me ministrat e Mbrojtjes së Ukrainës dhe Britanisë.

Në takimin me ministrin britanik të Mbrojtjes, Ben Wallace dhe me ministrin ukrainas të Mbrojtjes, Oleksii Reznikov, Akar shkëmbeu pikëpamjet për çështjet e mbrojtjes dhe sigurisë rajonale si dhe diskutoi zhvillimet e fundit në Ukrainë.

Në kuadër të kësaj u diskutua edhe evakuimi i sigurt jashtë vendit i anijeve të ngarkuara me drithë që presin në portet e Ukrainës dhe sigurimi i transportit të sigurt të avionëve A400M drejt Turqisë.
Burimi: AA

Ndajeni këtë artikull me të tjerë duke klikuar ikonat më poshtë