Subscribe
Ndryshe nga ajo që kërkoi Prokuroria, Gjykata e Tiranës ka vendosur këtë të shtunë masën ‘burg me afat’ për tre të rinjtë e arrestuar më herët, të dyshuar se shisnin kokainë në Tiranë.
Konkretisht gjykata caktoi 45 ditë burg me afat për Denis Mustafën, ndërsa për Robert Domin dhe Andrea Demën u vendos 30 ditë burg.
Tre të arrestuarit kanë mohuar që të jenë të përfshirë në shitjen e kokainës. Madje Mustafa tha se punon banakier në një lokal dhe aty ka njohur një djalë, i cili i ka dhënë një pako të cilën do ta merrte më vonë. Ditën e arrestimit sipas të riut kishin lënë takim në rrugën “Myslym Shyri” për t’i dhënë pakon që e kishte në mjetin e tij. Ai tha se nuk kishte dijeni që pako kishte kokainë brenda saj.
Pas takimit, personi tjetër është larguar dhe mendohet se ka qenë i infiltruar i policisë. Më pas kanë ndërhyrë kolegët e tij dhe kanë arrestuar të riun. Ndërsa avokatët e Robert Domit dhe Andrea Demës pretenduan se klientët e tyre nuk kanë asnjë njohje me Mustafën. Ata thanë se të rinjtë ndodheshim rastësisht në zonë dhe janë gjendur të rrethuar nga policia.
