Mbyllja e qeverisë në Shtetet e Bashkuara ka prekur momentalisht 800,000 punonjës federalë. Mbyllja, e cila konsiderohet më e gjata në histori, vjen si pasojë e mungesës së fondeve pasi Trump kërkon 5.6 miliard dollarë për ndërtimin e murit të famshëm mes SHBA-ve dhe Meksikës, transmeton KosovaPost.
Pavarësisht kësaj personeli federal vijon punën edhe pa rroga. Megjithatë duket se Presidentit Trump nuk i intereson kjo gjë.
Nga ana tjetër, një ish president ka treguar dhembshuri për punonjësit. George W. Bush ka vizituar zyrat e federalëve dhe u ka dërguar atyre pica pasi po punojnë fort për vendin pa shpërblim.
“Është koha që liderët e të dy krahëve të vendosin mënjanë politikat, të bashkohen dhe t’i japin fund mbylljes së qeverisë,” shkroi ai.
