Analisti Andi Bushati është treguar shumë kritik, si shpeshherë ndaj qeverisë, teksa ka thënë se jetojmë në një regjim fashist të cilin PD nuk e mund dot.
Ai tha se PD duhet të shkrihet, por qytetarët pse duhet të durojnë edhe 4 vite me persona që ai i cilësoi si banditë dhe që kanë lidhje me pushtetin.
Bushati e cilësoi dhe SPAK-un si një institucion që punon për interesa të kryeministrit Edi Rama.
Bushati: Ç’kusur kam unë që të duroj dhe 4 vite me këta bandiëtë?
Ç’kusur kam unë që të kem një SPAK që punon si lecka që pastron këpucët e Edi Ramës.
Me fatin e PD unë fshij këpucët dhe iki përpara, nuk më duhet mua, por është opozita që duhet të mbrojë interesin qytetar.
I paguajmë me taksa si qeverinë si opozitën. Nëse keni 4 vjet që na thoni suksesi ynë është reforma në drejtësi, dhe tani thoni na jpeni mandatin e tretë për reformën në drejtësi, atëherë ne jemi duke shkuar drejt humnerës.
PD nuk e mund dot regjimin, duhet të shkrihet PD-ja për mua, po unë ç’faj kam. Jetojmë në një regjim fashist.
Bushati tha gjithashtu se: “Budallallëku i PD ishte që u fut në një thertore duke kënduar, jo se po ankohet sot”.
Bushati: Të dielën në darkë, këta bërtisnin fitore unë fola për masakër elektorale. Që në datë 24 kur ndodhi ajo e Elbasanit, kishin shkuar si cjapi te kasapi në këto zgjedhje. Unë e provova, u sul SPAK.
Nuk mund të ketë zgjedhje në një vend normal ku SPAK, prokurori, polici, bandat janë sheshit. Kush po i mblidhte votat për PS, ata që çanin tregun e Elbasanit.
Budallallëku i PD ishte që u fut në një thertore duke kënduar, jo se po ankohet sot. Mendoj radikalisht ndryshe nga PD.