Analisti Andi Bushati mendon se drafti për Reformën Zgjedhore që tregon ambasadorja, nuk jep siguri për mosvjedhjen e votës.
Pas dështimit të 31 majit, prej 4 ditësh ambasada amerikane ka marrë rolin e negociatorit për të arritur një marrëveshje mes opozitës dhe qeverisë.
“Nuk e siguron dot komisioneri i pavarur mosvjedhjen e votave. E pamë në Dibër kur Damian Gjiknuri me atë që është kryetar bashkie në Lezhë, që u bënin presion mësueseve. E pamë që mjekët thanë që 4 viktimat me 21 janar u vranë nga turma. Të thuash që ky draft siguron votën e lirë, është si të marrësh 2 milionë shqiptarë për budallenj. Në demokraci ky draft është përfekt, në regjime si ky nuk funksionon”, tha Bushati në “Open”.