Byroja Kombetare e Hetimit me anë të një njoftimi zyrtarë te publikuar ne faqen e SPAK ka zbardhur sulmin e nipërve të Agron Kapllanajt ndaj agjentëve të BKH dhe forcave operacionale, ngjarje e ndodhur rreth orës 19:20 të mbrëmjes së të martës (15 Prill) në aksin rrugor Fier-Patos.
BKH informon se në momentit e sulmit, hetuesit e Byrosë dhe efektivët e Policisë së Shtetit po kryenin detyra e tyre, në kuadër të një hetimi të Prokurorisë së Posaçme.
Por ne reagim theksohet se ndërsa hetuesit e BKH-së dhe oficerët e Policisë së Shtetit po kryenin detyrën, janë sulmuar pa asnjë motiv nga persona tashmë të identifikuar dhe shoqëruar në DVP, Fier, ne kete rast nipat e kandidatit per deputet, Agron Kapllanaj.
Byroja Kombetare e Hetimit nënvizon se të gjitha veprimet e ndërmarra nga BKH janë në përputhje me ligjin dhe nën vëzhgimin direkt të prokurorëve të posaçëm.
Ndërkohë për ngjarjen janë vendosur në pranga Ledjan dhe Klaudio Kapllanaj (nipërit e Agron Kapllanajt) dhe Gerald Kollçaku.
Njoftimi i BKH:
Byroja Kombëtare e Hetimit konfirmon sulmin që ndodhi mbrëmjen e datës 15 Prill kundër hetuesve të Byrosë Kombëtare të Hetimit dhe oficerëve të Policisë së Shtetit në qarkun e Fierit.
Hetuesit e BKH-së dhe efektivët e Policisë së Shtetit po kryenin detyra hetimore të deleguara, në kuadër të një hetimi të Strukturës së Posaçme kundër Korrupsionit dhe Krimit të Organizuar.
Mbështetur në informacionin e përcjellë nga Drejtoria Vendore e Policisë, Fier (DVP) dhe verifikimet e kryera, ngjarja ka ndodhur rreth orës 19:20 minuta, në aksin Fier – Patos. Ndërsa hetuesit e BKH-së dhe oficerët e Policisë së Shtetit po kryenin detyrën, janë sulmuar pa asnjë motiv nga persona tashmë të identifikuar dhe shoqëruar në DVP, Fier.
Të gjitha veprimet hetimore dhe proceduriale lidhur me ngjarjen janë duke u kryer nga Prokuroria e Juridiksionit të Përgjithshëm, Fier.
SPAK nënvizon se të gjitha veprimet e ndërmarra nga BKH janë në përputhje me ligjin dhe nën vëzhgimin direkt të prokurorëve të posaçëm.
SPAK u bën thirrje qytetarëve të bashkëpunojnë me institucionet e drejtësisë dhe të respektojnë autoritetin e hetuesve dhe Policisë së Shtetit që veprojnë në zbatim të detyrës së tyre. Integriteti dhe siguria e hetuesve të BKH-së dhe efektivëve të Policisë së Shtetit është thelbësore në angazhimin tonë për të luftuar korrupsionin dhe krimin e organizuar.
