Deri në orën 11:00 kur ishte parashikuar të niste edhe mbledhja mes dy qeverisë së Tiranës dhe asaj të Prishtinës, çdo gjë për nisjen e takimit ka qenë gati, pavarësisht njoftimit për anulimin e tij.
Por pas kësaj ore, çdo gjë ka filluar të hiqet. Kryetari i Komunës së Gjakovës, Ardian Gjini ka folur për gazetarin e News 24, Ergys Gjençaj duke thënë se askush në Kosovë sot nuk ndihet mirë për vendimin për anulimin e mbledhjes.
“Në fillim askush nuk ndihet mirë jo vetëm në Gjakovë por as në Kosovë. Por nuk është fundi i botës. Kemi qenë në rrethana të zorshme.
Do të ketë mbledhje në të ardhmen. Tani duhet me parë cilat janë hapat që duhen marrë për të të ecur përpara”, deklaroi Gjini.