Kryeministri grek Kyriakos Mitsotakis, nga Brukseli shprehu zhgënjimin dhe indinjatën e tij ndaj qeverisë shqiptare për çështjen e Fredi belerit cili u zgjodh si kryebashkiak për bashkinë e himarës në zgjedhjet e 14 majit.
Gjatë një konference për shtyp, pas përfundimit të Samitit të premten, kryeministri i ka dërguar një mesazh të qartë Tiranës dhe qeverisë Rama, ndërsa tha se ka njoftuar homologët e tij për këtë rast.
MITSOTAKIS
KRYEMINISTER I GREQISË
“Pata rastin të informoj homologët e mi për atë që po ndodh sot në Shqipëri me rastin e kryebashkiakut të zgjedhur të Himares dhe të shpreh zhgënjimin, indinjatën time për faktin se një kryetar, i zgjedhur në fakt, arrestohet dy ditë para zgjedhjes së tij dhe ndodhet në burg, për ne, me dispozita të dyshimta procedurale”
Kryeministri i sapozgjedhur për një mandat të dytë, e quajti rastin Beleri një goditje për shtetin e së drejtës teksa tha se pret zgjidhje të shpejtë të çështjes.
“Unë e konsideroj si një goditje për shtetin e së drejtës dhe për përpjekjet e Shqipërisë për të respektuar rregullat evropiane. Pres që kjo çështje të zgjidhet shumë shpejt. Zgjidhja ose moszgjidhja e saj, do të jetë një element i vlerësimit grek të rrugës evropiane të Shqipërisë, që fillon tani dhe është një rrugëtim i gjatë. Respektimi i rregullave bazë të shtetit ligjor është një kusht i panegociueshëm për çdo vend që do të bëhet anëtar i familjes evropiane. Shpresoj që ky mesazh është kuptuar plotësisht edhe në Shqipëri. Çështja Beleri nuk është një çështje që Greqia do ta lëshojë kështu”.
Fredi Beleri u arrestua dy ditë përpara zgjedhjeve vendore dhe prej 14 majit ndodhet në paraburgim me akuzën e shitblerjes së votës.
