Ç’është prostata?
Është një gjendër më e vogel se një kokërr arre dhe bën pjesë në sistemin riprodhues të burrave. Ajo përbëhet nga dy pjesë te cilat mbështillen nga një cipe indore. Ajo vendoset përballë pjesës së fundit të zorres së trashe, poshtë fshikzës së urinës. Prostata rrethon kanalin e urinës që quhet uretra ku kalon urina që derdhet jashtë. Një nga funksionet kryesore të prostatës është të leshojë një lëng që perzihet me spermën kur kalon në kanalin urinar dhe i jep asaj energji dhe e bën që të ambientohet më mirë në kanalin vaginal.
Si rritet prostata me moshën?
Në jetën e njeriut ka dy periudha të rritjes së prostatës: periudha e parë është në kohën e pubertetit e ateherë kjo gjendër dyfishohet si madhësi. Pas moshës 25 vjeç prostata fillon të rritet përsëri. Kjo rritje pas shumë vitesh mund të rezultojë në hipertrofine beninje të prostates. Rritja e prostatës rrallë shkakton problem para moshës 40 vjeç, por me vonë në moshën 60 vjeçare gjysma e njerëzve kanë simptoma të rritjes së prostatës dhe në vitet 70-80 të jetës gati 90 % e njerëzve kanë shëetësime nga prostata. Kur rritet shumë gjendra, cipa e saj e jashtme nuk e le të zmadhohet, por ushtrohet presion në kanalin e urinës, që kalon në mes të gjendrës duke e shtrënguar atë. Nga ana tjetër fillon dhe shtypet nga poshtë fshikëza e urinës dhe kjo jep mosmbajtje të gjatë të urinës dhe njeriu ka ndjenjën e urinimit të shpeshtë.
Me kalimin e kohës, muskulatura e fshikzës së urinës dobësohet dhe kur urinon njeriu nuk nxjerr jashtë të gjithë urinën, por një pjese qëndron në fshikëzën e urinës. Kjo urinë që ngelet pa u zbrazur mund të infektohet e kjo sjell pasoja të metejshme të infeksionit urinar.
Në të vërtetë rritja e prostates është normale gjatë plakjes sikurse janë flokët e thinjura. Në vendin tonë çdo vit vizitohen tek mjeku për problemet e prostatës afro 40 mijë vete.
Pse ndodh rritja e prostatës?
Shkaku pse rritet prostata nuk dihet mirë. Nuk dihet se kush e favorizon rritjen e saj. Ështe pare se kur hiëen testet ëë në moshe të re, nuk ndodh më vonë rritja e prostatës. Gjatë jetës së një burri tek ai prodhohen si testosteroni ëë është një hormon mashkullor, por edhe një sasi e vogël estrogeni, që është hormon femëror. Por me kalimin e moshës pakësohet sasia e testosteronit dhe shtohet sasia e estrogeneve. Mendohet se ky ndryshim sjell një rritje të gjendrës së prostatës. Sipas një teorie tjetër normalisht testosteroni transformohet në dihidrotestosteron dhe ky ndihmon në rritjen e prostatës.
