“Harta Digitale e Aksidenteve Rrugore”, përmes një postimi në rrjetet sociale, shkruan se ka indicie që aksidenti i ndodhur paraditen e sotme në aksin Fier-Vlorë, t’iu lihet si faj viktimave.
Sipas kësaj faqe, që merret specifikisht me aksidentet, një raport paraprak, ende jozyrtar, thotë se Toyota ku udhëtonin familja me 4 anëtarë, viktima të kësaj tragjedie, ka ndërruar korsi dhe “Audi” e ka marrë përpara.
Mbetet për t’u parë nëse ky pretendim do të mbahet në fuqi nga ana e Policisë dhe hetuesve, ndërkohë në aksident humbën jetën 4 anëtarë të familjes Gushi nga Patosi, prindërit dhe dy vajzat e mitura.
Mjeti luksoz, që dyshohet se ishte duke udhëtuar me shpejtësi tej normave të lejuara, drejtohej nga i riu Igli Madani, ndërsa ishte në pronësi të të atit të tij biznesmen, Bashkim Madani.
Postimi:
Besojini ose jo por si gjithmonë në Shqipëri, faji është i viktimave.
Sipas një raporti paraprak (jo zyrtar), doli që Toyota ku udhëtonin familja me 4 anëtarë, viktima të kësaj tragjedie, ka ndërruar korsi dhe “Audi” e ka marrë përpara.
Pra, me pak fjalë, “Audi” shpëton me një gjobë për tejkalim shpejtësie dhe mos respektim të rregullave të qarkullimit rrugor.
(E.K/Faxweb.al)
…
/faxweb
