“Çfarë sheh në kodër, prite në votër”, Fatos Lubonja u bashkohet banorëve të “5 Maj”-it: Ky grupi kriminal, punonka me lote

Banorët e “5 Maj’-it kanë vijuar edhe ditën e sotme një tjetër protestë në mbrojtje të shtëpive të tyre për të cilat u ësthë bërë me dije se do të shemben për t’i hapur rrugë një projekti. Prej muajsh tashmë, banorët kanë vijuar me protestat e tyre pa gjetur asnjë zgjidhje.

Ditën e sotme, atyre u është bashkuar edhe opinionisti, Fatos Lubonja i cili ka thënë se për këtë kauzë duhet të bashkoheshin të gjithë bashkë sepse këto projekte po përdoreshin për të pastruar paratë e grupeve kriminale.

Opinionisti, Fatos Lubonja, në mbështetje të protestuesve të 5 majit: Këtu është derdhur djersë për gjatë një jete. Ky projekti që po shoh unë këtu, është një projekt kriminal që kërkon të pastrojë paratë e pista të njerëzve të krimit. Qeveria është e krimit prandaj ju ka vënë para rruspat për t’u hapur punën lavatriçës së parave.

Thotë një fjalë e vjetër popullore: Çfarë sheh në kodër, prite në votër. Tani mesa po e shoh unë këtë punë, kjo bandë kriminale po punon me lote, pak nga pak. Ky është problemi i madh që njerëzit duhet të bashkohen për të luftuar këtë dhe jo copa-copa. Unë them që ne duhet të ishim të gjithë këtu, jo vetëm pë t’u mbrojtur juve, por për të mbrojtur gjithë Shqipërinë.