Të shumtë janë të rinjtë shqiptarë që i mëshojnë gazit gjatë drejtimit të makinës. Rrugët nacionale por edhe ato brenda kryeqytetit bëhen “pista garimi”, një problematikë kjo e kahershme.
Por cilat janë rrugët që të rinjtë i përdorin rëndom për të bërë gara shpejtësie.
Nga vëzhgimet policore rezulton se autostradat Tiranë- Elbasan e Tiranë- Durrës mbeten dy prej pikave ku të rinjtë ecin me shpejtësi të larta. Një tjetër segment i rrezikshëm mbetet aksi i unazës së madhe që të çon drejt autostradës Tiranë- Elbasan, një rrugë që përdoret rëndom për të bërë ‘gara shpejtësie’
Ndërkohë bulevardi Migjeni (rrugë e inaguruar vitin që lamë pas) është një tjetër aks rrugor që përdoret për gara shpejtësie, duke u bërë i rrezikshëm jo vetëm për automjetet por edhe kalimtarët. Një tjetër zonë e cila përdoret për gara e ‘drift’ mbetet rruga ‘Nënë Tereza’ në Kamëz.
Vetëm në muajin që lamë pas, policia ka ndëshkuar me gjoba për tejkalim shpejtësie afro 600 drejtues automjetesh.
