Një mjet tip fuoristradë me targa greke e cila u fut kundravajtje, përfundoi duke u përplasur me trefikndarësen dhe bllokoi qarkullimin.
Ngjarja ka ndodhur pranë vendit të njohur si “Rotondo e Parkut” pranë kishes katolike në Fier, në aksin Fier- Patos.
Mësohet se fuoristrada me targa të shtetit helen KPK2650 udhëtontë në drejtim të Fierit kur është futur në korsinë e gabuar.
Fatmirësisht është shmangur përplasja ballore me mjete të tjera, ndërsa mjeti ka përfunduar në mes të trafikndarëses duke u përplasur edhe me një shtyllë të ndriçimit publik.
Fillimisht shoferi ka deklaruar se ka humbur kontrollin e mjetit ndërsa nga policia, që ka mbërritur menjëherë prane vendit të ngjarjes po kryhen të gjitha procedurat për të zbardhur shkaqet e aksidentit.
Gjithcka është regjistruar në një aks me lëvizje të konsiderueshme mjetesh, cka solli edhe bllokimin për disa minuta të qarkullimit.
