Kryetari i Partisë Demokratike, Lulzim Basha, përmes një postimi në facebook, ka pasqyruar të dhënat e Eurostat të cilat e rendisin Shqipërinë si një nga vendet me rritjen më të madhe të çmimeve në Europë. Basha thekson se çmimet u rritën me 6.6%, ndërkohë që ndihma financiare nga ana e qeverisë për qytetarët është më e ulta në kontinent.
Postimi i plotë: Shqipëria u rendit e katërta në Europë për Rritjen e Përgjithshme të Çmimeve këtë tetor, sipas metodologjisë së EUROSTAT.
Çmimet e ushqimeve u rritën me 6.6%. Çmimet e transportit u rritën me 3.4%.
Për 7 vite, Rama e ka rrënuar ekonominë. Tani, gjatë pandemisë, Shqipëria është vendi që u jep qytetarëve më pak ndihmë ekonomike.
Qytetarët shqiptarë kanë nevojë për një qeveri që punon për ta.
Një qeveri që nuk është e zënë me politikë, por me kthimin e të papunëve në punë, ringjalljen e ekonomisë tonë dhe uljen e kostos së jetesës.
Një qeveri që do të sjellë shpresë të re për Shqipërinë.
/faxweb
