Dhjetë njerëz u vranë dhe 251 njerëz u plagosën ose u helmuan nga një rrjedhje gazi helmues nga një rezervuar në portin jordanez të Akaba-s, njoftoi televizioni shtetëror të hënën. Autoritetet u kërkuan banorëve të mbyllnin dritaret dhe të qëndronin brenda.
Rrjedhja erdhi pasi një rezervuar i mbushur me gaz helmues ra gjatë transportit, njoftoi agjencia shtetërore e lajmeve Petra, duke cituar një zëdhënës të Administratës së Sigurisë Publike.
Pamjet e postuara në faqen e televizionit shtetëror në Twitter tregojnë rezervuarin që bie nga një çikrik dhe godet kuvertën e një anijeje, pas së cilës gazi me ngjyrë të verdhë ngrihet në ajër ndërsa njerëzit ikin.
Breaking: spread of toxic gas in the port of Aqaba Jordan #ميناء_العقبه#الأردن #Jordan pic.twitter.com/5YnSzKt6uo
— Hashtag Elyoum (@Hashtagelyoum) June 27, 2022
Shërbimi i Mbrojtjes Civile në faqen e tij në Facebook ka njoftuar se në vendin e aksidentit po ndërhyjnë ekipe të specializuara.
