Kongresmeni republikan Ron Wright i Teksasit ndërroi jetë të dielën në moshën 67 vjeç, si rezultat i infeksionit me COVID-19, tha zyra e tij të hënën.

Wright është anëtari i parë i Kongresit të Shteteve të Bashkuara që vdes nga Corona.

“Wright dhe gruaja e tij Susan u pranuan për trajtim nga COVID-19 në Spitalin Universitar Baylor në Dallas dy javë më parë. Ai vdiq me gruan pranë tij”, thuhet nga zyra e tij.

Wright ka vuajtur nga kanceri disa herë dhe ishte në rrezik më të lartë të komplikimeve nga infeksioni i koronavirusit.

“Ron mbajti mendjen dhe optimizmin e tij deri në fund. Pavarësisht viteve të dhimbjes, trajtimit nganjëherë rraskapitës të kancerit, Ron nuk i ka munguar kurrë dëshira për t’u ngritur dhe për të shkuar në punë dhe për të motivuar njerëzit përreth tij, ose të paktën të ofrojë këshilla atërore”, thuhej në deklaratë.