Rusia ka regjistruar një rekord të ri të të infektuarve me koronavirus. Në 24 orët e fundit në Rusi janë shënuar 11,656 raste të reja duke arritur në 221.344 në total.
Ndërsa personat që kanë vdekur nga koronavirusi janë 2 009. Sipas të dhënave të Johns Hopkins për sa i përket rasteve me koronavirus, Rusia tani është pas ShBA-së dhe Spanjës.
Autoritetet ruse konfirmuan se rritja e numrit të të infektuarve që prej një jave shpjegohet me faktin e rritjes së numrit të testimeve të kryera, 5,2 milionë, dhe jo nga përshpejtimi i përhapjes. Kjo shpjegon gjithashtu dhe numrin e ulët të vdekshmërisë.
