“E keni të vështirë ta besoni? Megjithatë, në Tik-Tok dhe Instagram një destinacion po bën bujë: është Shqipëria, e cila ndodhet në Gadishullin Ballkanik në Evropën Juglindore. 2136 kilometra larg kryeqytetit tonë, Shqipëria duket se është një kompromis ideal për ata që janë në kërkim të hapësirave të mëdha parajsore. Për me tepër në rrjetet sociale tashmë ajo ka marrë pseudonimin ‘Maldivet e Evropës’”, thuhet në artikullin e Le Soir.
“Është veçanërisht resorti bregdetar Ksamil, që ndodhet në jug të vendit, i cili tërheq pushuesit me hapësirat e tij ujore sa të ha syri. Plazhi i tij konsiderohet gjithashtu një nga më të bukurit në Evropë. Sepse Riviera Shqiptare është shumë më shumë se 100 km vijë bregdetare, ajo ka gjthashtu gjire te vegjel të fshehur dhe zona arkeologjike qe të lëne pa frymë. Pra, qe prej disa kohësh, Ksamili është bere natyrshëm vendi i duhur dhe janë shfaqur shumë hotele luksoze që të kujtojnë ato në Maldive. Një nga pikat më të pëlqyera? Pa dyshim plazhi i Pemës së Thatë, me shtretërit e tij të plazhit të mbuluar me perde me pamje nga deti”, vijon gazeta.
“Ky destinacion i josh aq shumë përdoruesit e internetit edhe për faktin e çmimeve shumë më të volitshme se Maldivet. Për një javë pushime në hotel, llogaritni mesatarisht 1043 euro për dy persona, kundrejt 2718 euro për një qëndrim ekuivalent në Maldive. Pra, çfarë prisni për të rezervuar?”, përfundon artikulli i shoqëruar me pamje mahnitëse nga plazhet e Rivierës shqiptare.
Artikulli i Le Soir që u bën jehonë plazheve të Ksamilit dhe vijës bregdetare u përcoll nga Kryeministri Edi Rama në rrjetet sociale.
“Pas BBC në Britani, ftesa e radhës vjen nga gazeta më e madhe në Belgjikë ‘Le Soir’ që në këto ditë të para janari promovon Shqipërinë si ‘Maldivet në zemër të Europës’, duke i bërë jehonë plazheve të Ksamilit, gjireve të vijës bregdetare, akomodimit në hotelet cilësore dhe siteve arkeologjike që duhen vizituar se s’bën”, u shpreh Kryeministri Edi Rama. /ATSH/
