Presidenti amerikan Donald Trump vlerësoi të dielën muslimanin në Bondi Beach, Ahmed al-Ahmed, i cili u përball me një nga sulmuesit në Sidnej, duke shpëtuar potencialisht shumë jetë gjatë të shtënave masive.
“Dhe, në Australi, ndoshta e keni lexuar, ai ishte një burrë shumë, shumë i guximshëm që u përball me një nga sulmuesit ballë për ballë dhe shpëtoi shumë jetë,” tha Trump.
Ndërsa nuk e përmendi me emër, komentet e Trump mbështesin një video virale që tregon al-Ahmedin duke vrapuar nëpër një parking drejt një burri që mbante një pushkë dhe i cili u raportua të ishte një nga sulmuesit që hapën zjarr në një festival hebre në Bondi Beach të Sidnejit, duke vrarë të paktën 15 persona.
President Trump praised the Muslim man that has stopped the terrorist. pic.twitter.com/KGUYKQxyEq
— Ahmad Shah Mohibi (@ahmadsmohibi) December 14, 2025
Al-Ahmed, i identifikuar nga mediat lokale si një qyetar i thjeshtë australian 43-vjeçar, u pa duke neutralizuar mjeshtërisht sulmuesin, një akt që ndërpreu vijimin e masakrës.
“Pra, një burrë shumë i guximshëm që aktualisht është në spital, i plagosur rëndë. Kam shumë respekt për njeriun që e bëri këtë”, shtoi Trump. /tesheshi.com/