Ilir Meta ka shpërndarë një lajm ku thuhet se ish-deputeti demokrat Klevis Balliu është dënuar me 80 orë pune punë në interes të publikut pasi mbrojti të drejtat e banorëve të Unazës.

Meta në këtë postim shkruan me ironi se ky është një nga sukseset e Reformës së shumëpritur që është bërë i prekshëm për qytetarët.

Ai u bën apel autoriteteve që në këto 80 orë Balliu të shërbejë për të mbjellë mimoza te parku i Pallatit të Brigadave meqenëse po afron edhe 2 Marsi.

Po ndaj një lajm të mrekullueshëm me ju miq! Më në fund sukseset e Reformës së shumëpritur janë bërë të prekshme për qytetarët! Z. Klevis Fahri Balliu u dënua me 80 orë punë në interes të publikut pse mbrojti të drejtat e banorëve të Unazës.

Një lutje kam për autoritetet nëse mund të urdhërojnë, që në këto 80 orë të shërbejë për të mbjellë mimoza te parku i Pallatit të Brigadave meqenëse po afron edhe 2 Marsi. Mirëkuptohemi gjithmonë nëse nuk ka ndonjë plan për komplekse kullash lirie edhe atje pas 24 Korrikut”, shkruan ai.