Çuni i Fahri Balliut, që në zgjedhjet e kaluara ishte deputet, është revoltuar me Lulzim Bashën, për emrat që ka zgjedhur në Kryesi.
Ai thotë se ata u emëruan nga Basha, nuk u votuan nga Kryesia.
Sipas çunit të Fahriut, jashtë Kryesisë kanë mbetur njerëzit më të shquar dhe pozitivë të PD-së, ndërkohë që që janë emëruar njerëz anonimë.
“Shpresat ishin për një ekip që do të pasqyronte filozofonin e meritokracisë në PD, kjo gjë nuk ndodhi.
Është shumë larg meritokracisë. Nuk ishin të nevojshme emërimet kë Kryesi.
Nuk ka ndodhur ndonjëherë në PD, ne jemi parti e dalë nga zgjedhjet e para pluraliste.
Nuk mund të marrim vendime, nuk mund të funksionojmë me emërime.
Por, gjithsesi po pranojmë edhe mënyrën se si u emëruan.
Po sa i përket lidershipit të ri nuk e reflekton aspak çështjen e meritokracisë. Shumë pak nga ata individë që janë aty, janë njerëz të shquar dhe tejet positive.
Çdo parti kur anëtarët sakrifikojnë, duhet ti çosh atje ku duhet. Për arsyen e thjeshtë sepse janë bërë mbi 3 mijë arrestime gjatë protestave të opozitës, dhe nuk ia kanë idenë se kush janë ata që janë në sekretariatet e PD, sepse nuk i njohin.
E dyta, aksioni opozitar nuk mund të jetë më i njëjtë me dje.
Nuk jemi një shtet normal, sepse drejtohemi nga një njeri anormal.
Nuk jemi shtet normal sepse këtu nuk funksionon ligji. Gjykatat drejtohen me telefon nga politika,” u shpreh Balliu junior për ABC.
