Daily Mail ka publikuar fotografi të rralla, ku shihen dy vajzat e Vladimir Putin nga martesa e parë.
Fotografitë e realizuara në vitin 2000, tregojnë Marian dhe Katerinën në moshën e adoleshencës, kohë kur Putin sapo kishte marrë pushtetin, ku më pas do të shndërrohej në një nga liderët më të suksesshëm.
Lideri rus, gjatë karrierës së tij ka folur shumë pak për familjen, duke i mbajtur ata larg nga vëmendja mediatike. Fotot, raportohen se janë publikuar nga një ish përkrahës i afërt i Putin, identiteti i të cilit nuk bëhet i ditur.
Numri një i Rusisë e ka shndërruar në mision që t’i mbajë fëmijët jashtë syrit të publikut. Maria Vorontsova ka lindur në Leningrad, ndërsa motra e saj Katerina në Gjermani, gjatë kohës që Putin ishte pjesë e KGB-së.
/faxweb
