Kryetari i PSD-së, Dardan Molliqaj në një lidhje telefonike për RTV Dukagjinin thotë se problemet LDK-LVV filluan që në Samitin e Mynihut.

Mollliqaj thotë se anashkalimi i Kurtit në Mynih ishte moment vendimtar kur ky i fundit vendosi që të mos largojë taksën dhe te mos pranojë dialogun para zgjedhjeve në Serbi.
Ai thotë se largimi i Qeverisë Kurti ka qenë e pashmangshme.

“Të gjithë do të shohin se Kurti paraqet rrezik për Kosovën për shkak të bindjeve të tij politike”.

Molliqaj thotë se në situatën e krijuar nuk do të ketë vend për një qeveri Kurti 2.

“Në bazë të informatave që kam shkarkimi i Kurtit do të ndodh brenda kësaj jave. Pas shkarkimit të tij rruga e duhur besoj se do të ishin zgjedhjet”.

I pari i PSD-së thotë se Kurti po shpikë armiq të brendshëm e të jashtëm kundër tij.

“Kurti shpalli Thaçin armik të jashtëm, ndërsa Veliun, armik të brendshëm”, tha ndër të tjera Dardan Molliqaj.

Subscribe kanalin tonë në Youtube për të mos humbur asnjë video të re