Me debate të ashpra është shoqëruar seanca ndaj ish kryeministrit Sali Berisha, mes prokurorëve të çështjes dhe avokates kryesisht Rabije Cenalia.
Kjo e fundit, e cila u zgjodh si mbrojtëse e Berishës nga gjykata ka kërkuar dy ditë kohë për tu njohur me dosjen, me argumentin se për këtë çështje është njoftuar mbrëmjen e djeshme në orën 20:00.
Nga ana e prokurorëve, duket se nuk është pranuar ky pretendim, duke i thënë Rabije Cenalias se do njoftojnë dhomën e avokatisë për refuzim mbrojtje.
“Do të njoftojne dhomën e avokatisë se avokatja refuzoi mbrojtjen”, kanë thënë prokurorët e SPAK.
“Nuk refuzova mbrojtjen. Më caktuat mbrëmë në orën 20.00. Ndaj dua kohën e nevojshme për të studiuar dosjen. Dua që të bëj një mbrojte efektive, prandaj më duhet koha e nevojshme”, tha thënë avokatja në replikën e saj me prokurorët e SPAK.
Ndërkohë që në një njoftim zyrtar për mediat, GJKKO bëri me dije se seanca ndaj ish kryeministrit do të zhvillohet në orën 15:00.
Ndërkohë, dje në mbrëmje prokurorët kërkuan zëvendësimin e avoktit që u zgjodh pasi Gjokutaj e Mëngjesi lanë gjyqin.
Artan Simoni kishte publikuar në rrjetin social, Facebook një status për Berishën, ç’ka solli edhe reagimin e djalit të tij, Shkëlzen Berisha.
Pas largimit të Simonit, gjykata zgjodhi si avokat kryesisht Jalldiz Kastrati dhe Rabije Cenalia.
