Kryetarja e opozitës parlamentare, Rudina Hajdari e ka konsideruar ngërçin e krijuar në vend si një shfaqje që bëhet për t’i zgjatur pushtetin liderëve kryesor të politikës.
Që në fillim ajo e ka cilësuar si të pa vlefshëm juridikisht projekt-rezolutën e PS për shkarkimin e presidentit, duke nënvizuar se mungesa e gjykata Kushtetuese nuk e lejon.
Ndërkohë, ajo shpreh edhe rezervat ndaj kreut të Shtetit.
“Sot kemi një rezolutë që s’ka vlerë juridike, që ngre shantazhin ndaj presidentit. Vendimin mbi aktin e presidentit e merr vetëm gjykata Kushtetuese.
Mocioni vjen me 1-4 e Kuvendit me 35 deputet që i depozitohet Kuvendit, i cili ka për detyrë që të hapë një Komision Hetimor.
Më pas, pas Komisionit ka për detyrë që të dëgjojë presidentit dhe më pas të përpilojë një raport që mund të diskutohet në Parlament dhe t’i depozitohet Gjykatës Kushtetuese. Mungesa e saj, thelbi i debatit.
Pse mendon se ky vendim e zgjidh krizën? Kur njëra palë thotë nuk ka negociata me Ramën kryeministër?
Nëse gruaja juaj është palë e opozitës dhe kjo palë është bërë pjesë e këtij konflikti, atëherë nuk është ky konflik i pastër personal’, tha Hajdari.
Hajdari tha se vetë mazhoranca e zgjodhi Metën president, dhe kjo sipas saj u bë thjesht për t’i zgjatur atij pushtetin, LSI-së si dhe vetë atyre.
Gjithashtu në fund ajo tha: “Muajin tjetër do të kemi zgjedhje. Por a ja vlejti që opozita të digjte mandatet, a ja vlejti barra qiranë? Absolutisht jo. E gjitha bëhet që këta të tre të ulen dhe të zgjasin pushtetin e tyre”, shprehet Rudina Hajdari.
