Zëdhënësi i Presidentit të Republikës, Tedi Blushi, publikoi një reagim të Presidencës në përgjigje të deklararave të Sekretarit të Përgjithshëm të Partisë Socialiste, deputetit Taulant Balla, për nisjen e produrave për shkarkimin e Presidentit Meta, si dhe për faktin se presidenti nuk mund ta shpërndajë Parlamentin, por ky i fundit mund ta shkarkojë Kreun e Shtetit, duke i quajtur ato “shëmtuara dhe të dënueshme”.

Reagimi i zëdhënësit të Presidentit, Tedi Blushi

Deklaratat e shëmtuara dhe të dënueshme të z.Balla janë presione të dhunshme dhe të qarta politike ndaj organit të akuzës, për të mos vepruar menjëherë ndaj kallëzimit penal të depozituar dje nga Presidenti i Republikës ndaj z.Ardian Dvorani, besnikut të partisë dhe dhunuesit të vetëdijshëm të ligjit dhe Kushtetutës.

Presidenti Meta ka qenë shumë i qartë dhe KA PARALAJMËRUAR PRERË se në të ardhmen NUK DO TË TOLEROJË MË, as shkeljen më të vogël të procedurave, që synon kapjen mafioze të Reformës në Drejtësi, që tani ndodhet para një momenti historik për të dëshmuar integritetin dhe vërtetësinë e saj!

Për këdo që nuk e ka kuptuar qartë, PARALAJMËRIMI ËSHTË I PRERË:

LARG DUART NGA GJYKATA KUSHTETUESE!

TE GJYKATA KUSHTETUESE VIJA ËSHTË E KUQE, DHE ËSHTË E KUQE FLAKË!

Subscribe kanalin tonë në Youtube për të mos humbur asnjë video të re