Ish-kryeministri Sali Berisha e ka quajtur një bombë deklaratën e bërë mbrëmë në Fax news, nga ish-këshilltari i presidentit Trump për çështjet e sigurisë John Bolton, se ideja për ndryshimin e kufijve ishte propozuar nga Thaçi dhe nga Vuçiç.

Berisha, teksa i quan Miladin shqipfolës dhe Zograf Bis, Ramën dhe Thaçin, shkruan se aktakuza e ngritur nga Specialja për presidentin e Kosovës ishte shpëtimtare për mbarë kombin shqiptar. Sipas Berishës ngritja e akuzës i dha fund idesë për ndarjen e Kosovës, pas idesë për ndryshimin e kufijve.

Postimi i plotë i Berishës:

Bomba’ e ish-këshilltarit të Trump: Shkëmbimin e territoreve e kërkuan Thaçi dhe Vuçiç. Miq, po e postoj per ata qe nuk kane te qarte se pse aktakuza per Miladinin shqipfoles shperfytyroi Zografin Bis dhe pse ajo akt akuze ishte shpetimtare per Kosoven dhe kombin shqiptar.sb

Ish-Këshilltari për Siguri Kombëtare të Shtëpisë së Bardhë, John Bolton vendos më në fund të flasë pa dorashka. Ambasadori i karrierës ka vënë gishtin për të treguar ideatorët e vërtetë të idesë së shkëmbimit të territoreve mes Kosovës dhe Serbisë.

Ai ka përmendur me emër Hashim Thaçin dhe Aleksandër Vuçiçin si ideatorë të një projekti që ai nuk e ka kundërshtuar. “Nuk ka qenë ideja ime shkëmbimi i tokave, janë liderat e Kosovës dhe Serbisë që e kanë kërkuar” ka thënë ai për emisionin “Fokus” të gazetarit Robert Papa.

Bolton në intervistën ku ka folur edhe për librin e tij të ri kundër Trump, ka pranuar edhe se kjo ide kundërshtohej nga disa vende europiane, por ka theksuar ai nëse dy vendet arrinin marëveshjen, vështirë se dikush do të kishte forcë ti dilte kundër.

“Një nga gjërat që do të diskutonim ishte këmbimi i tokave, por në Ballkan dhe Europë u prit me kundërshtime se kishin frikë se një shkëmbim tokash atje mund të ndodhte edhe në Europë gjetkë. Kjo ka ndodhur në histori, diçka me të cilën duhet të jetoni, ta pranoni. Nëse Kosova dhe Serbia do kishin arritur marrëveshjen, dhe do të ishte një pjesë e saj ndërrimi i tokave, dhe një pjesë e BE do ishte kundër dhe do e kundërshtonte vallë? Kjo nuk do ndodhte”, është shprehur ai.

/faxweb

Subscribe kanalin tonë në Youtube për të mos humbur asnjë video të re