Deputetja e PD-së Ina Zhupa i është përgjigjur koleges socialiste Blerina Gjylametit, në lidhje me deklaratën që kjo e fundit bëri sot në emisionin ‘Kjo Javë”, për Reformën Zgjedhore.
Zhupa i kërkon Gjylamentit dhe socialistëve që thirrjen tia bëjnë vetes së tyre që t’i kthehen Kushtetutës dhe të zbatojnë rregulloren.
“Është shumë e thjesht reforma, mjafton të zbatoni rregulloren, mos mbani peng komisionin, të votoni përfaqësuesit që kërkon opozita dhe të vazhdoj punën komisioni i reformës zgjedhore”, thotë deputetja demokrate.
Reagimi i Ina Zhupës:
Fallsiteti në thirrje ndërkohë që vetëm shkelin kushtetutën dhe përjashtojnë deputetët si një rekord i zi parlamentar.
E njëjta Gjylameti që na bën thirrje, bashkë me Toni Gogun janë dy propozuesit të rregullores së re antikushtetuese për përjashtimin nga funksioni i deputetit me dy muaj të kolegëve që prishin qetësinë e hajdutëve dhe kërkojnë zbatimin e kushtetutës.
Nuk u mjaftuan, që në harkun e tre muajve socialistët morën 64 vendime në 10 mbledhje të Sekretariatit të Etikës, për përjashtimin e 29 deputetëve meqë nuk pranojmë të jemi fasadë e seancave ku shkelet kushtetuta dhe nuk respektohen të drejtat kushtetuese. Por vazhduan me propozime antidemokratike dhe antikushtetuese.
Dhe mbasi bën këtë, na paska bërë thirrje për reformën zgjedhore. Është shumë e thjesht reforma, mjafton të zbatoni rregulloren, mos mbani peng komisionin, të votoni përfaqësuesit që kërkon opozita dhe të vazhdoj punën komisioni i reformës zgjedhore.
Por ju doni të caktoni ju përfaqësuesit tanë në komision dhe ne të rrimë mos ju prishim qetësinë e seancave antikushtetuese.
I keni bërë llogaritë gabim!
Thirrjen bëja vetes dhe kolegëve socialist që ti ktheheni kushtetutës dhe jo të ndryshoni rregulloren sa herë e shkelni atë, si në rastin e komisioneve online.
Çfarë deklaroi Gjylateti për Reformën Zgjedhore:
Besoj së është kthyer në një sagë Komisioni i Reformës Zgjedhore. Disa herë kemi qenë pjesë për të bërë ndryshime, përfundojë mandati, e shtymë për 6 muaj të tjerë… shpresoj të kemi një komunikim normal me bashkëhartuesit për të diskutuar për problematikat e ngritura nga OSBE/ODIHR.
Duhet të ulemi patjetër dhe të adresojmë për zgjedhjet e ardhshme. Po ashtu ka elementë që lidhen me votën e diasporës, financimin e partive, etj. Prioritet është ligji për partitë politike dhe adresimin e vendimit të Gjykatës Kushtetuese, dhe zgjidhjen për metodën e votimit.
