Ish-deputeti i PD-së, Enkelejd Alibeaj, me anë të një statusi në “Facebook” shkruan se PS ka prekur fundin, duke përmendur deklaratat e bëra nga ana e Alket Hysenit për listat e hapura.
Alibeaj shprehet se deputeti socialist Hyseni akuzohet për vjedhje pronash në bregdet, ndërsa shton se korrupsioni i Rilindjes merr fund më 25 prill.
Postimi i ish-deputetit të PD-së Enkelejd Alibeaj:
Është për të ardhur keq sesi PS është zhytur në llum dhe ka prekur fundin. Sajesat e Alket Hysenit, i akuzuar për vjedhjen e tokave në bregdet, nuk e shpëtojnë dot Edi Ramën. Ndryshimet e njëanshme në Kodin Zgjedhor janë kundër interesit të qytetarëve.
Ato kanë vetëm firmën e pazarit të qelbur të Edi Ramës dhe deputetëve të tij të blerë brenda dhe jashtë PS. Ky kokteil korrupsioni do të marrë fund më 25 prill!
