Ashtu siç edhe premtoi kryeministri grek Kiriakos Mitsotakis në takimin që pati me kryeministrin Edi Rama në Neë York, Greqia do të dërgojë ndihma humanitare në Tiranë për pëërballimin e pasojave dhe lehtësimin e të dëmtuarve prej tërmeteve dhe përëmbytjeve që goditën së fundmi vendin.

 

Në një postim në Facebook, ambasada greke në Tiranë ka njoftuar se të dielën në orën 09:45 do të mbërrijë në aeroportin e Rinasit, një avion transporti I Aviacionit Luftarak grek, I cili do të sjellë ushqime, ilaçe, tenda, krevate, batanije dhe materiale të tjera.

 

Ndihma humanitare greke përfshihet në kuadrin e Mekanizmit Europian të Mbrojtjes Civile, I cili koordinon përballimin kolektiv europian të fatkeqësive natyrore.

 

“Republika e Greqisë, duke iu përgjigjur menjëherë thirrjes së  Autoriteteve Shqiptare, dërgon ndihmë humanitare në Tiranë  për përballimin e pasojave  dhe lehtësimin e të dëmtuarve prej tërmeteve dhe përmbytjeve që goditën së fundmi  Shqipërinë. Ndihma humanitare greke përfshihet  në kuadrin e Mekanizmit Europian të Mbrojtjes Civile, i cili koordinon përballimin kolektiv europian të fatkeqësive natyrore. Nesër, ditën e dielë, më 29 shtator 2019, në orën 09.45, mbërrin në aeroportin RINAS të Tiranës  një avion transporti  i  Aviacionit Luftarak Grek,  i  cili sjell nga Greqia gjeneratorë, ushqime, ilace, tenda, krevate, batanije dhe materiale të tjera të nevojshme. Erion Veliaj @LSorecaEU  European Union in Albania Olta Xhacka”

Subscribe kanalin tonë në Youtube për të mos humbur asnjë video të re