| Pavarësisht se opozita ka njoftuar se nuk do të marrë pjesë në zgjedhjet lokale të qershorit, Partia Socialiste duket se është e vendosur për të mos bërë asnjë hap prapa dhe për t’i realizuar ato sipas përcaktimit kushtetues. Kandidati i së majtës për zgjedhjet lokale të 30 qershorit në Berat, Ervin Demo, vijon takimet me banorë të njësive vendore dhe qytetarë të Beratit. Në këtë takime Demo njihet me problematikat e ndryshme të këtyre zonave dhe bashkëbisedon me banorët për zgjidhjet e mundshme. Dje ai u ndal në fshatrat Kostren dhe Vojnik të njësisë administrative Roshnik, ku u njohë më nga afër me problematikat e komunitetit, ndërsa më parë zhvilloi një takim në lagjet “Donika Kastrioti” dhe “Çlirim” në Berat. Në këto takime, Demo është shoqëruar nga deputeti Fadil Nasufi dhe kryetarja e PS-së, Valbona Zylyftari. |
