Nënkryetari i Partisë Demokratike nga radhët e “Rithemelimit”, Agron Gjekmarkaj u pyet nëse kishte ndryshuar ai apo Sali Berisha, duke theksuar se deklaratat e tij janë arkivuar tanimë dhe se e vetmja ngjarje e madhe është bashkimi i Partisë Demokratike.
I ftuar në emisionin “Open” në News24, Gjekmarkaj deklaroi se shumica e demokratëve vlerësuan se ata duhet t’i udhëheqë Sali Berisha.
“Unë kam ikur nga posti i nënkryetarit të PD në shenjë përgjegjësie dhe jam kthyer në shenjë përgjegjësie. Më shumë se e demokratëve është dëshirë e qytetarëve shqiptarë për një opozitë. Sa i përket qëndrimeve të mija, ato janë arkivuar. Këto kanë qenë qëndrimet e mia, kohë pas kohe, ndonjëherë subjektive ndonjëherë objektive. Këto janë detaje të vogla.
Ngjarja e madhe është bashkimi i Partisë Demokratike duke prishur skenarët e kryeministrit Edi Rama që e mban gati gati peng. Një vend që nuk ka më institucione, dhe tenton të prishë edhe institucionin e fundit që është opozita e vendit, duke kaluar në autoritarizëm. Besoj dje ka qenë një ditë e shënuar për vendin”, tha Agron Gjekmarkaj.
A ishte shpërblim për largimin nga Basha?
Agron Gjekmarkaj: që duhet t’i udhëheqë ata Sali Berisha për të rrëzuar Edi Ramën. Në këtë kontekst, çështja është të bëjmë apo nuk do të bëjmë opozitë. Nëse biem peng e disa deklaratave dhe të shmangim vullnetin e shumicës, është të bëjmë lojën e qeverisë. PD nga dje është një gjë tjetër. Do të jetë një parti e platformave, ideve dhe njerëzve dhe do ta shikoni atë më shpesh në sheshe dhe bulevardet e Tiranës.
