Ish-lideri i serbëve të Bosnjës, Radovan Karaxhiç ka apeluar këtë të enjte vendimin e gjykatës së Kombeve të Bashkuara, përmes së cilit atij i është rritur dënimi bazuar në akuzat rreth krimeve të kryera gjatë luftës.
Ndërkohë tashmë pritet që gjyqtarët në Hagë të vendosin nëse do të pranojnë sfidën e Karaxhiçit për dënimin e tij, meqë vendimi i 20 marsit ishte konsideruar si masa e fundit për këtë rast.
“Presidenti Radovan Karaxhiç apelon dënimin e përjetshëm ndaj tij”, është thënë në një dokument ligjor të publikuar nga avokati i tij, Peter Robinson.
Ndërkohë një javë më parë, Gjykata e Hagës ka ndëshkuar Karaxhiqin me dënim të përjetshëm, ndonëse më 2016 ai ishte dënuar me 40 vjet burgim për masakrën e kryer në Srebrenicë dhe krimet e kryera gjatë luftës në Bosnjë në vitet 1990.