Në seancën e sotme plenare në Kuvendin e Republikës së Shqipërisë, deputetët e pranishëm në sallë kanë mbajtur një minutë heshtje për humbjen e deputetit Bashkim Fino, i cili u nda nga jeta për shkak të koronavirusit.

Nënkryetarja e Kuvendit, Vasilika Hysi shprehu ngushëllimet për miqtë e familjarët e tij.

“Kemi humbur shokun tonë të mirë Bashkim Finon. Ne sot do ta kujtojmë si një koleg serioz, i duruar që përballonte më shumë seriozitet të gjitha situata e vështira.

Ne kemi humbur atë kur Shqipëria po fillonte të fitonte betejën me Covid-19. Ndaj të nderuar koleg ju ftoj që të mbajmë një minutë heshtje”, tha Hysi.

Subscribe kanalin tonë në Youtube për të mos humbur asnjë video të re