Deputeti izraelit i ekstremit të djathtë, Itamar Ben-Gvir, i njohur për veprimet e tij provokuese kundër palestinezëve, i shoqëruar nga policia izraelite bastisi xhaminë Al-Aksa në Kusin Lindor të pushtuar.
Dëshmitarët okularë duke folur për AA thanë se Ben-Gvir hyri në Mesxhid al-Aksa përmes portës perëndimore.
Ben-Gvir si dhe dhjetëra hebrenj fanatikë, përsëritën shkeljet dhe bastisjet e tyre në Mesxhid al-Aksa.
Dëshmitarët okularë raportuan se policia izraelite, e cila po priste në derën e Mesxhid al-Aksa, i pengoi muslimanët të hynin në xhami.
Policia izraelite nuk ka bërë asnjë deklaratë për ndalimin e muslimanëve për të hyrë në xhami para namazit të drekës.
Është shkelur sovraniteti i Administratës së Fondacioneve Islame të Kudsit
Sipas traktatit të paqes të nënshkruar midis Izraelit dhe Jordanisë më 26 tetor 1994, Mesxhid al-Aksa është nën kujdesin e Administratës së Fondacioneve Islame të Kudsit, e cila është e lidhur me Ministrinë Jordaneze të Fondacioneve, Çështjeve Islame dhe Shenjtërisë.
Megjithatë, që nga viti 2003, hebrenjtë të shoqëruar nga policia hyjnë në faltoren e shenjtë pa lejen e Administratës me vendim të njëanshëm të Izraelit.
Duke i përshkruar këto hyrje si bastisje, Administrata e Fondacioneve Islame të Kudsit thekson se është shkelur sovraniteti i muslimanëve.
Burimi: AA
