Dy ditë më parë Ledri festoi ditëlindjen, duke marrë urime të shumta nga miq e familjarë.
Reperi ndau një postim në Instagram, ku shprehej se dëshira e tij ishte të kthej në koncerte e të festonte me publikun dhe mbështetësit e tij.
Si duket nuk ka vonuar shumë dhe dëshira e tij është realizuar, pasi ditën e sotme autori i hitit “MEM” ka qenë në një koncert në Durrës.
Sigurisht që si një nga artistët më të dashur shqiptar, Ledri mblodhi rreth vetes fansa të shumtë, që festuan nën tingujt e muzikës duke harruar pandeminë siç po shohim të ndodhë shpesh.
Ashtu si në koncertin e Dafines edhe të Ledri është vënë re se mungonte distancimi social dhe mbajtja e maskave, në një kohë kur ekspertët po bëjnë thirrje që vënia e maskave të bëhet e detyrueshme me ligj.
Mirëpo, atmosfera në koncerte, ndonëse në ambiente të hapura, duket larg asaj që parashikohej kur u mor vendimi për hapjen e bareve.
Në një kohë kur numri i të infektuarve po rritet me shpejtësi është shumë e rëndësishme që të rritet ndërgjegjësimi dhe të jemi të vetdijshëm për rrezikun që na kanoset.
Megjithëse të gjithë e meritojmë të bëjmë qejf këtë verë pas karantinës, le të mos harrojmë se virusi është ende në mesin tonë.
View this post on Instagram
🥳
/faxweb
