Moti i keq në vend pritet të dominojë edhe gjatë fundjavës.
Për këtë arsye, Autoriteti portual i durrësit vendosi të anulojë linjat e trageteve drejt italisë dhe anasjelltas. Të dy tragetet që kishin planifikaur të kryenin lundrim mbrëmjen e kësaj të premte nuk do të nisen drejt brigjeve italiane.
I njëjti vendim është marre dhe ne portin e barit dhe të ankonës pasi i gjithë Adriatiku do të përfshihet nga dallgë të mëdha që pritet të shkojnë deri në katër metra e gjysmë, për shkak të erës se fortë. Lundrimet ndërkohë janë pezulluar deri në një moment të dytë.
Burime nga kapiteneria bëjnë të ditur se anijet e tonazhit të mësëm dhe të ulët po ashtu vijojnë të jenë të bllokuara, pasi kushtet për të dalë në det të hapur janë të veshtira. Edhe flota e peshkimit do të qëndrojë në pritje të përmirësimit të motit, i cili pritet të ndryshojë nga dita e martë e javës së ardhshme.
Në gjirin e vlorës forca e detit do të arrijë mbi 8 ballë me dallgë që mund të arrijnë deri në 5 metra.
Për këtë arsye janë ndalur të gjitha mjetet e lundrimit përfshirë anijet e transportit ndërkomëbtar të mallrave që të mos operojnë në det pasi kushtet janë të pafavorshme.
Por ndërsa situata ne Adriatik dhe Jon do të jetë shumë e rënduar, njoftimet për përdoruesit e mjeteve lundruese si dhe udhëtarët janë jo të kordinuara dhe nuk mbërrijnë në kohë tek të intersuarit. Për pasojë, shumë prej tyre përballen edhe me situata befasuese e ndonjëherë edhe të rrezikshme.
