Vrasja e të shtunën e Arjan Ferracaku 30-vjeç në Shkodër dyshohet se mund të jetë bërë gabimisht.
Sipas informacioneve të policisë bëhet me dije se shënjestër e vrasësve mund të ketë qenë një tjetër person dhe jo 30 vjeçari Ferracaku.
Mësohet se autori ka qenë i fshehur në një shkurre dhe ka qëlluar me breshëri nga një largësi mbi 50 metra.
Ndërkaq në dëshmitë e tyre, familjarët e të ndjerit kanë deklaruar se nuk kanë pasur konflikte dhe nuk e dinë arsyen e vrasjes.
Ndërkohë ende nuk dihet autorët, rreth 20 persona janë marre ne pyetje në kuadër të hetimeve për zbardhjes e vrasjes.
Në momentin e vrasjes i riu ka qënë duke shëtitur me kalë, në kohën kur persona ende të paidentifikuar i bënë pritë dhe e ekzekutuan.
Burimet thonë se autori e ka ndjekur për disa metra dhe ka qëlluar me breshëri ndaj 30 vjeçarit Arjan Ferracaku, duke e kthyer vrasjen në një ekzekutim të mirëfilltë.
Ai ka marrë dy plumba në kokë dhe të tjerë në trup, duke ndërruar jetë menjëherë në vendngjarje.